არყის ბრენდი Absoult ფეხბურთის მსოფლიო ჩემპიონატისათვის უკვე მზად არის. ვინაიდან ჩემპიონატი ბრაზილიაში იმართება, არყის ახალ სერიას, რომელიც შეზღუდული რაოდენობით გამოუშვეს, Karnival დაარქვეს. ბოთლის ჭრელა-ჭრულა ეტიკეტიც საგანგებოდ შეარჩიეს – ის ნამდვილად მოგაგონებთ რიოს ფერად და მხიარულ კარნავალს.
Karnival-ის ეტიკეტის დიზაინი ბრაზილიელმა მხატვარმა რაფაელ გრამპამ შექმნა და დასახულ მიზანს თავი შესანიშნავად გაართვა – ის ზუსტად ასახავს დღესასწაულის მრავალფეროვნებას. ბოთლზე საკარნავალო ფერხულია გამოსახული: ჭაბუკი, რომელსაც მოხუცის ნიღაბი მოსავს, თევზი, რომლსაც მაღალქუსლიანი ფეხსაცმელი და გვირგვინი ამშვენებს, შლაპიანი ალიგატორი, ახალგაზრდა, რომელსაც რომაელთა ჩაფხუტი, ქვედაბოლო და სპორტული ფეხსაცმელი აცვია და მამლისნიღბიანი ძაღლი.
© ღვინის კლუბი /Weekend
ბეჭდვა
თქვენი კომენტარი