გამოქვეყნებულია: 20 აგვისტო, 2009 - 13:53
წელს კახეთში რთველი შარშანდელთან შედარებით ადრე დაიწყება. როგორც რეგიონის გუბერნატორმა გიორგი ღვინიაშვილმა რადიო „კომერსანტთან“ საუბარში განაცხადა, წელს ყურძენი შედარებით ადრე დამწიფდა, რაც რთველის ადრიანად დაწყების საშუალებას იძლევა და უკვე ხვალიდან მოსავლის აღებას დედოფლისწყაროს რაიონიდან დაიწყებენ.
„შარშანდელთან შედარებით წელს უფრო დიდი მოსავალია და წინასწარი გათვლებით 150 ტონამდე ყურძნის მოკრეფას ვგეგმავთ. მაქსიმალურად ვეცდებით არცერთი კილოგრამი ყურძენი დაუბინავებელი არ დაგვრჩეს, რისთვისაც ღვინის ქარხნებთან აქტიურ მოლაპარაკებას ვაწარმოებთ“–აცხადებს გიორგი ღვინიაშვილი.
კახეთის საინფორმაციო ცენტრის ცნობით კი გურჯაანის რაიონში მდებარე 17 ღვინის ქარხნისგან ყურძნის მიღების საკითხი ამ დრომდე არცერთ საწარმოს ხელმძღვანელობას არ გადაუწყვეტია. როგორც ღვინის ქარხნების მეპატრონეებმა ცენტრს განუცხადეს, შესაძლოა, სახელმწიფოს ჩარევით ყურძნის შესყიდვასთან დაკავშირებული ფინანსური პრობლემები მოიხსნას, თუმცა საწარმოებში ცარიელი ჭურჭლის პრობლემაც აქვთ.
რადიო ``კომერსანტი``
ბეჭდვა
თქვენი კომენტარი