ნაყალბევი ღვინის ბაზარი ჩინეთში ბოლო დროს საგრძნობლად გაფართოვდა. დღესდღეობით ამ ქვეყანას ღვინის მოხმარების მიხედვით მსოფლიოში მეხუთე ადგილი უჭირავს. ჩინეთის ბაზარზე ღვინის მოთხოვნა-მიწოდების დინამიკას მსოფლიო ბაზარზეც შეუძლია გავლენის მოხდენა. ბოლო 6 თვის განმავლობაში ღვინის 5 წამყვანი ბრენდის შემოსავლები ჩინეთში 25%-ით შემცირდა. ამის ყველაზე ნათელი მაგალითია Chateau Lafite Rotschild, რომლის 2008 წლის მოსავლის ღვინოზე ფასები 2011 წელს 45%-ით დაეცა. ამ მარკის ღვინო ჩინელებს შორის ძალიან პოპულარულია და საუკეთესო საჩუქრადაც ითვლება. Chateau Lafite Rotschild-ის მარკის ერთი ბოთლი ღვინის ფასი დაახლოებით 2000 დოლარია, თუმცა სრული დატვირთვით მუშაობს ღვინის ყალბი ვერსიის ჩამოსასხმელი იატაკქვეშა ხაზიც, რაც კლიენტებს, ცხადია, ძალიან აფრთხობს, რადგან ყალბისმქმნელთა დახელოვნების ზრდასთან ერთად, სულ უფრო ძნელი ხდება ორიგინალი და ნაყალბევი ღვინის გარჩევა.
© ღვინის კლუბი/Weekend
ბეჭდვა
თქვენი კომენტარი