გამოქვეყნებულია: 21 ოქტომბერი, 2012 - 14:30
სტუდია Nostalgics-ის მესვეურებმა ღვინის ბოკლების მუსიკალურ ინსტრუმენტებად გამოყენება გადაწყვიტეს და წარმოებაში ჩაუშვეს ბოკლები Musical wine glasses. ცნობილია, რომ თუ ბროლის ბოკალის პირს თითს მოვატარებთ ან მსუბუქად გავაწკარუნებთ, ბოკალი სასიამოვნო ბგერებს გამოსცემს. სწორედ ბროლის ეს თვისება გახდა მუსიკალური ბოკლების შექმნის სტიმულატორი. მელოდიის ჟღერადობა ბოკალში ჩასხმული სითხის რაოდენობაზეც არის დამოკიდებული. ბოკალის კედლებზე, სითხის რაოდენობის აღსანიშნავად, სპეციალური დანაყოფებია გამოსახული. ყოველი დანაყოფი გარკვეულ ნოტს შეესაბამება. მწარმოებელი კომპანია იმედოვნებს, რომ მუსიკალური ბოკალი-ინსტრუმენტი მოსახლეობაში მალე გახდება პოპულარული. ბოკლები წყვილად იყიდება და 39 გირვანქა სტერლინგი ღირს.
© ღვინის კლუბი/Weekend
თემა:
ბეჭდვა
თქვენი კომენტარი