ვაზისა და ღვინის საერთაშორისო ორგანიზაციის (OIV) მონაცემებით, 2010 წლისთვის მსოფლიოში ვენახების საერთო ფართობი 70 ათასი ჰექტრით შემცირდა, თუმცა, ექსპერტების აზრით, ეს ღვინის გაძვირებას არ გამოიწვევს, რადგან ღვინის ბაზარი ისედაც გადავსებულია. კვლევებმა დაადასტურა, რომ მრავალ ქვეყანაში სასმელის მოხმარების მაჩვენებელიც ეცემა, ამიტომ მეღვინეები პროდუქციის რაოდენობის შემცირებასა და ხარისხის გაუმჯობესებაზე მუშაობენ. 0IV ექსპერტთა პროგნოზით, გასულ წელთან შედარებით ღვინის წარმოება მსოფლიოში 4%-ით (107 მილიონი ლიტრი) დაეცემა და 2,6 მილიარდ ლიტრამდე დავა. ვენახების შემცირებაა მოსალოდნელი ევროკავშირში, სამხრეთ ნახევარსფეროში და ამერიკის შეერთებულ შტატებში. ევროკავშირში მიმდინარე წელს ღვინის წარმოება 6%-ით შემცირდება. ასეთი ტენდენციაა მსოფლიოში, მიუხედავად პორტუგალიური, ბერძნული და ბულგარული ღვინის წარმოების მცირე ზრდისა.
ვარაუდობენ, რომ ამერიკაში წარმოება 9,3%-ით დაეცემა, შვეიცარიაში - 15%-ით. სპეციალისტები განსხვავებულ პროგნოზებს აკეთებენ არგენტინასთან და ჩილესთან დაკავშირებით – ჩილეური ღვინის წარმატების ამბავი ყველასთვის კარგადაა ცნობილი, არგენტინაში კი, როგორც ამბობენ, წარმოება 33%-ით გაიზრდება.
© ღვინის კლუბი/Weekend
ბეჭდვა
თქვენი კომენტარი