იხვი პეკინურად ჩინური სამზარეულოს ყველაზე ცნობილი და პოპულარული კერძია. სწორედ ამიტომ პეკინში მდებარე რესტორან Quanjude-ს 150-წლიანი იუბილის აღსანიშნავად მფლობელებმა ამ კერძის მუზეუმი გახსნეს. საექსპოზიციო დარბაზები რესტორნის ზედა სართულზეა მოწყობილი. პირველ დარბაზში იხვის მოოქრული ქანდაკება დგას, დანარჩენ ოთახებში კი იმ ცნობილი ადამიანების ფოტოებია გამოფენილი, რომლებსაც მათ რესტორანში ეს სახელგანთქმული კერძი დაუგემოვნებიათ. ექსპოზიციას საინფორმაციო ნაწილიც ახლავს, სადაც დაწვრილებით არის მოთხრობილი ამ კერძის ისტორია და განმარტებულია მისი მომზადების უმთავრესი წესები. 150 წლის განმავლობაში Quanjude-ს მზარეულებს 200 მილიონი იხვი მოუმზადებიათ, ასე რომ, რესტორანს დამსახურებულად ეწოდა კერძის - “იხვი პეკინურად” - რესტორან-მუზეუმი.
© ღვინის კლუბი /Weekend
ბეჭდვა
თქვენი კომენტარი