გერმანული სუპერმარკეტების ქსელი Aldi ბრიტანელებს დაბალი ფასებით ხიბლავს. მაგალითად, კონიაკი Napoleon 1973 ამ სუპერმარკეტებში თავის ღირებულებაზე გაცილებით იაფად იყიდება. სხვა მაღაზიებში ასეთი კონიაკი 107 გირვანქა სტერლინგი ღირს, აქ კი თითქმის მესამედ ფასად - 29,99 გირვანქად შეგიძლიათ შეიძინოთ. Aldi -ს ბრიტანულ მაღაზიებში სხვა მრავალ ელიტურ სასმელსაც ნახავთ, რომელსაც სასაცილო ფასი ადევს. ყველას აინტერესებს, რატომ არიან გერმანელები ასეთი ხელგაშლილები? როგორც გაირკვა, სულ ცოტა ხნის წინ კომპანიამ Aldi-ს მეხუთასე მაღაზია ბრიტანეთში გახსნა და ასეთი დაბალი ფასებით ბაზარზე დამკვიდრებას ცდილობს. ისინი ბრიტანეთის ბაზრის მხოლოდ 3,8%-იან წილს ფლობენ, თუმცა სურთ, რომ პოზიცია უფრო გაიმყარონ. კომპანიამ მიზანს თითქმის უკვე მიაღწია, რადგან Aldi -ს მაღაზიათა ქსელი ხარისხიან პროდუქტთან და დაბალ ფასებთან ასოცირდება.
© ღვინის კლუბი/Weekend
ბეჭდვა
თქვენი კომენტარი