გამოქვეყნებულია: 2 სექტემბერი, 2014 - 10:52
გახსნილ ბოთლში დარჩენილ ღვინოს დაძმარებისგან ახალი, უნიკალური გაჯეტი იხსნის, რომელსაც Winesave უწოდეს. Winesave ღვინოს ინერტული აირის - არგონის - მეშვეობით დაიცავს. უსუნო და უფერო არგონი ჰაერზე მძიმეა, გაჯეტის მეშვეობით ის სითხის ზედაპირზე ეფინება და გაზის საცობის როლს ასრულებს, რითაც ღვინოს ამჟავებისგან იხსნის. ისღა დაგრჩენიათ, ბოთლს უბრალოდ საცობი მოარგოთ, დანარჩენზე სასმელსა და საცობს შორის ჩატუმბული არგონი იზრუნებს. Winesave-ს მწარმოებლები ირწმუნებიან, რომ მათი მოწყობილობის გამოყენების შემთხვევაში ბოთლში დარჩენილი ღვინო რამდენიმე კვირის განმავლობაში არ გაფუჭდება - არც ფერს შეიცვლის და არც გემოს. Winesave-ს შეძენა დაახლოებით 34 დოლარად არის შესაძლებელი. გაჯეტში ჩატუმბული აირი 100 ბოთლის დასაცობად კმარა.
© ღვინის კლუბი /Weekend
თემა:
ბეჭდვა
თქვენი კომენტარი