ძვირფასი ღვინოების აუქციონი

 აუქციონზე წარმოდგენილი იქნება ძალზე ძვირად ღირებული და იშვიათი ღვინოები: ღვინის ცნობილი კრიტიკოსის, რობერტ პარკერის მიერ 100 ქულით შეფასებული სასმელები, Romanee Conti-ს სხვადასხვა წლების მოსავლის 12 ბოთლი ღვინო, ამერიკელი მილიარდერის, ობრი მაკკლენდონის კოლექციის რამდენიმე ღვინო, მათ შორის 1982 და 1986 წლების Chateau Mouton Rothschild, 1996 და 2003 წლების Chateau Lafite Rothschild.  განსაკუთრებულ ყურადღებას იპყრობს ღვინო Chateau d'Yquem, რომელიც 1,5 ლიტრის ტევადობის ბოთლშია ჩამოსხმული და რომელსაც ექსპერტები დაახლოებით 17 500 დოლარად აფასებენ.

 შარშანდელმა აუქციონმა, რომელიც ანალოგიური პრინციპით, ორი სხვადასხვა კონტინენტის იმავე ქალაქებში გაიმართა, ორგანიზატორებს 3 455 000 დოლარის მოგება მოუტანა. ექსპერტები წელს კიდევ უფრო დიდ მოგებას ვარაუდობენ, ვინაიდან აზიური ღვინის ბაზარი სულ უფრო აქტიური ხდება და ჰონგკონგელი მილიონერებიც ძვირფასი ღვინოების შესაძენად ფულს არ იშურებენ.