გამოქვეყნებულია: 15 დეკემბერი, 2017 - 16:14
ღვინო კარდანახში, ახოების სახელოვან ზვრებში მოყვანილი საფერავიდანაა დაყენებული. უკვე 6 წლისაა და შეიძლება ითქვას, რომ კარგად დავარგებული ღვინოა, თუმცა კიდევ რამდენიმე წლის მანძილზე განვითარდება. ძოწისფერია, საკმაოდ ინტენსიური შეფერვის. სიძველის ტონები პირველივე არომატში იგრძნობა, სადაც შავი ქლიავის ჩირისა და შავი კენკრის ნაყენთან ერთად ტკბილი სუნელებისა და თუთის ტყლაპის ტონებსაც იგრძნობთ. სავსე, ტანინიანი, კონცენტრირებული, ხანგრძლივი დაბოლოების ღვინოა, სასიამოვნო მჟავიანობით.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
თემა:
ბეჭდვა
თქვენი კომენტარი