საფრანგეთის პოლიციის სპეციალური დანიშნულების რაზმის (CRS)წევრები უკმაყოფილებას გამოთქვამენ იმის თაობაზე, რომ კუთვნილი შესვენების დროს, სადილად, ალკოჰოლის მიღების შესაძლებლობა აღარ აქვთ. ასეთი გადაწყვეტილება მიიღო საფრანგეთის შინაგან საქმეთა სამინისტრომ, მანამდე კი, როგორც ჩანს, ფრანგი სამართალდამცავები სადილად თითო ჭიქა ღვინის ან კათხა ლუდის დალევის ჩვევას არ ღალატობდნენ.
სამინისტროს გადაწყვეტილების საბაბი გახდა შარშან, პარიზელთა საპროტესტო გამოსვლების დროს გადაღებული ფოტოები, რომლებზეც სპეცრაზმის წევრები ქუჩაში ღვინისა და ლუდის სმის, აგრეთვე სიგარეტის მოწევისას არიან გადაღებული.
ფრანგ პოლიციელთა კავშირის ნაციონალური მდივნის – დიდიე მანიონის განცხადებით, “ხელმძღვანელობა ცდილობს, ყველაზე მაგარი პოლიციელიც კი გადააცქიოს მღვდლად, ოღონდ ზიარების ღვინის გარეშე. ჩვენი უფლება - სადილს ალკოჰოლი მივაყოლოთ – კანონითაა დაცული. ჩვენი კავშირის წევრები უკმაყოფილონი არიან იმით, რომ მათ პატარა ბავშვებივით ექცევიან.”
დიდიე მანიონი აპირებს, საპროტესტო წერილი გაუგზავნოს ხელმძღვანელობას და თუ მასზე რეაგირება არ მოხდება, არც გაფიცვის შესაძლებლობას გამორიცხავს.
© ღვინის კლუბი/Weekend
ბეჭდვა
თქვენი კომენტარი