ბადაგონის და შუმის ოქროები

რამდენიმე დღის წინ Cathay Pacific Hong Kong International Wine & Spirit Competition (HKIWSC)–ზე ქართულმა ღვინომ დიდ წარმატებას მიაღწია. ორმა ქვევრის ღვინომ, ბადაგონის ალავერდის ტრადიციების რქაწითელმა (2014) და შუმის ქვევრის ქისმა (2015) ოქროს ჯილდოები მოიპოვეს. გარდა ამისა, თითოეულ ღვინოს ე.წ. Trophy–ც გადაეცა, ბადაგონს, როგორც საუკეთესო ადგილობრივ ღვინოს და შუმის ღვინოს, როგორც საუკეთესო აღმოსავლეთევროპულ ღვინოს.

ქართულ ღვინოზე სულ 23 ჯილდო გაიცა, 2 ოქროს გარდა 7 ვერცხლისა და 14 ბრინჯაოს მედალი მოვიპოვეთ. გამარჯვებულ კომპანიებს შორის ასევე არიან: შატო მუხრანი, კახური ღვინის მარანი, დუგლაძეების ღვინის კომპანია, GSE (საქართველოს ლეგენდები), უსახელაურის ვენახები.

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი