გამოქვეყნებულია: 11 ივნისი, 2014 - 01:07
ნორვეგიის ჩრდილოეთ სანაპიროსთან მდებარე კუნძულ მიკენზე მცხოვრები 5 ოჯახი არქტიკული ვისკის, Myken Whisky-ის გამოშვებას გეგმავს. მათ უკვე შეისყიდეს და აღჭურვეს თევზის გადამამუშავებელი მიტოვებული ქარხანა და შეიმუშავეს გეგმა, რომლის მიხედვითაც ნორვეგიასა და ლოფოტენის კუნძულებს შორის მდებარე ვესტფორდის უბის მარილიან წყალს გადაქაჩავენ და გაამტკნარებენ. არქტიკულ ვისკის განსაკუთრებულობას მხოლოდ ზღვის წყალი არ შესძენს. სასმელს ტრადიციული მეთოდით გამოხდიან და კასრებში, ღია ცის ქვეშ შეინახავენ, რათა უკეთ გაიჟღინთოს ზღვიდან მონაბერი სურნელით. არქტიკულ ვისკის შეზღუდული რაოდენობით ჩამოასხამენ და ჯერჯერობით თავად მწარმოებლებმაც არ იციან, რა ეღირება ეს სასმელი.
© ღვინის კლუბი /Weekend
თემა:
ბეჭდვა
თქვენი კომენტარი