თაფლის ვისკი - სპეციალურად ქალებისთვის

სახელგანთქმულმა ალკოჰოლურმა ბრენდმა - Jack Daniel's -მა ბაზარზე ახალი წარმოების, თაფლის ტკბილი ვისკი გამოუშვა, რომლის გემოც, სავარაუდოდ, ქალბატონებს უფრო მოეწონებათ. ახალ სასმელს, რომლის ეტიკეტზეც ფუტკარია გამოსახული, Tennessee Honey ეწოდება. მის დასამზადებლად Jack Daniel's Old No. 7 და თაფლის ლიქიორი შეურიეს ერთმანეთს და შედეგად მიიღეს რბილი, ტკბილი, 35 გრადუსის სიმაგრის მქონე ვისკი. Tennessee Honey, სასურველია, ჩაციებული მიირთვათ, შესაძლებელია აგრეთვე მისი კოქტეილებში გამოყენება ან სოდიანი წყლით გაზავება. როგორც ამბობენ, 750 მლ  მოცულობის ვისკის ფასი სულ რაღაც 22 დოლარი იქნება.

© ღვინის კლუბი/Weekend