სადეგუსტაციო კონკურსი Indian Wine Challenge, რომელიც იანვარში მეოთხედ უნდა ჩატარებულიყო, მონაწილეთა არასაკმარისი რაოდენობის გამო გადაიდო. ინდური ღვინის აკადემიის პრეზიდენტი სუბას არორა (Subhas Arora) აცხადებს, რომ ახალი კონკურსის მოსამზადებლად კიდევ ერთი წელი იქნება საჭირო. კონკურსისადმი ინტერესის მინელების ერთ-ერთ მიზეზად ის რეცესიას ასახელებს – ინდოელი ღვინის მწარმოებლები ჯერ კიდევ აგრძელებენ ეკონომიას, მათთვის საერთაშორისო ეკონომიკური კრიზისი არ დასრულებულა. ექსპერტთა აზრით, სადეგუსტაციო კონკურსის გადადება მნიშვნელოვან ნეგატიურ ეფექტს არ მოახდენს ინდოელ მეღვინეებზე, ისინი ღვინოს მედლების გარეშეც გაყიდიან. Indian Wine Challenge ძირითადად იმ უცხოელ მწარმოებლებსა და ნეგოციანტებზე იყო გათვლილი, რომლებიც ინდურ ბაზარზე დამკვიდრებას ცდილობენ.
© ღვინის კლუბი/Weekend
ბეჭდვა
თქვენი კომენტარი