გამოქვეყნებულია: 6 ნოემბერი, 2010 - 20:43
ზოგი ჭირი მარგებელიაო, ნათქვამია. ჩილელ მაღაროელთა გადარჩენის ცნობილი ისტორიის შედეგად ჩილეური ღვინოების გაყიდვები მკვეთრად გაიზარდა. ექსპერტთა მონაცემებით, იმ დღეს, როდესაც სხვადასხვა ქვეყნის ტელემაყურებლები მაღაროელთა ამოყვანის წარმატებულ ოპერაციას ადევნებდნენ თვალს, ჩილეური თეთრი ღვინის გაყიდვებმა 25 %-ით, ხოლო წითელი ღვინის გაყიდვებმა – 5%-ით მოიმატა.
ჩილეურ ღვინოზე მოთხოვნილების ამგვარ ზრდას სავაჭრო ქსელის წარმომადგენლები იმით ხსნიან, რომ მომხმარებელმა, უბრალოდ, ასე აღნიშნა მაღაროელთა სასწაულებრივი გადარჩენა. შეგახსენებთ, ჩილეს ერთ-ერთ მაღაროში მომხდარი ავარიის შედეგად, მაღაროელები მიწის ქვეშ გამომწყვდეულნი აღმოჩნდნენ. იქ მათ თითქმის 10 კვირა გაატარეს. სამაშველო ოპერაციას პირდაპირ ეთერში ადევნებდა თვალს მსოფლიოს არაერთი წამყვანი ტელეარხი და საინფორმაციო სააგენტო, ზოგიერთი მაყურებელი კი, როგორც აღმოჩნდა, ამ მაღაროელებს მათი მშობლიური ჩილეური ღვინის სმით უცხადებდა სოლიდარობას.
© ღვინის კლუბი/“Weekend“
თემა:
ბეჭდვა
თქვენი კომენტარი