გამოქვეყნებულია: 17 მარტი, 2009 - 12:50
აპრილის დასაწყისში თბილისში Martini Bacardi-ს ეგიდით ბარმენთა საერთაშორისო კონკურსი ჩატარდება, რომელსაც ქართული მხრიდან ორგანიზებას კომპანია GD ALCO და საქართველოს ბარმენთა ფედერაცია გაუწევენ.
24 მარტს თბილისში კომპანიის ოფიციალური წარმომადგენელი ჩამოვა და ქართულ მხარესთან ერთად კონკურსის დეტალებს დააზუსტებს. ამ ეტაპზე ცნობილია, რომ საუკეთესო ქართველ ბარმენს, რომელიც საერთაშორისო კონკურსზე გაემგზავრება, სწორედ Martini Bacardi-ს მიერ დაკომპლექტებული ჟიური შეარჩევს.
საერთაშორისო კონკურსის დასკვნითი ტური 9 ივლისს ტურინში გაიმართება. გამარჯვებული სოლიდურ პრემიას და არაერთ საინტერესო შეთავაზებას მიიღებს.
© მადიანი/vinoge.com
თემა:
ბეჭდვა
თქვენი კომენტარი