სტაფილოსა და კარის სუპი

საჭირო მასალა: 400 გ სტაფილო, 1 ცალი მოზრდილი კარტოფილი, 1 თავი ხახვი, 5 ღერი ბეგქონდარა, 1 ს.კ. კარის ფხვნილი, 1 ს.კ. დაფქული წითელი წიწაკა, 1 ცალი ტკბილ წიწაკა, 50 გ ნაღები, 1 ს.კ. შაქარი, 200 მლ თეთრი მშრალი ღვინო, 700 მლ ბოსტნეულის ბულიონი, 2-3 კბილი ნიორი, რამდენიმე ღერი ქინძი, მარილი – გემვნებით, პარმეზანი – მოსაყრელად.

მომზადება: ხახვი წვრილად დავჭრათ და ზეთში მოვშუშოთ. კარტოფილი და სტაფილო წვრილად დავჭრათ. სტაფილო ჩავუმატოთ ხახვს, დავაყაროთ შაქარი და მოვშუშოთ მანამ, სანამ კარამელიზაციას არ დაიწყებს. ამის შემდეგ დავაყაროთ კარტოფილი, ამოვურიოთ, დავასხათ ღვინო, ბოსტნეულის ბულიონი, დავაყაროთ წიწაკა, კარის ფხვნილი, ბეგქონდარა და 15 წუთი ვხარშოთ. წვნიანიდან ამოვიღოთ ბეგქონდარას ტოტები და გადავყაროთ. 2 ს.კ. მოხარშული სტაფილოგადავინახოთ, ხოლო დანარჩენი მასა ბლენდერში ავთქვიფოთ. წვნიანს შევურიოთ გახეხილი პარმეზანი, შენახული სტაფილოს ნაჭრები და წამოვადუღოთ. წვნიანი ამოვიოღოთ მდუღარეგამოვლებულ ჯამებში და სუფრასთან ნაღებთან და დაჭრილ ქინძთან ერთად მივიტანოთ.

© ღვინის კლუბი/Weekend