ნიგვზიანი ნაყინი

საჭირო მასალა: 250 მლ რძე, 300 მლ ნაღები, მწიკვი ვანილი, მწიკვი მარილი, 3 კვერცხის გული, 4 ს.კ. შაქარი. ნიგვზისთვის – 75 გ შაქარი, 75 გ ნიგოზი, 1 ს.კ. რომი.

მომზადება: რძე და ნაღები გავაცხელოთ, დავუმატოთ ვანილი და მარილი. შაქარი და კვერცხის გულები ავთქვიფოთ და ნელა ჩავუმატოთ ცხელ რძეში. თან ვურიოთ, რომ არ აიჭრას. მასა 24 საათით მოვათავსოთ მაცივარში, შემდეგ შევდგათ საყინულეში და 1-1,5 საათით შემდეგ ავთქვიფოთ მიქსერით. ეს პროცედურა კიდევ 2-3-ჯერ გავიმეოროთ, რომ ნაყინს ნაზი კონსისტენცია ჰქონდეს. გახურებულ ტაფაზე დავყაროთ შაქარი. კარამელიზაცია რომ დაიწყება, დავაყაროთ ნიგოზი, მოვასხათ რომი და ავურიოთ, შევაგრილოთ და დავფქვათ. ნიგოზი შევათქვიფოთ ნაყინს და 3-4 საათით შევდგათ საყინულეში.

© ღვინის კლუბი/Weekend