3 და 4 თებერვალს, საფრანგეთში, Les Pénitentes ნატურალური ღვინის გამოფენაზე ქართული ღვინოებიც იქნება წარდგენილი - Gogo Wine/ Artanuli Gvino, იაგოს მარანი, მანდილი, კორტავების მარანი, ნიკოლაძეების მარანი, ხოხბის ცრემლები, ოქროს ღვინო, მარანი ლაგაზი.
Les Pénitentes გამოფენა მხოლოდ ღვინის პროფესიონალებისთვის ეწყობა და ორგანიზებას მეღვინეები: Thierry Puzelat, René Mosse, Herve Villemade, Pierre Olivier Bonhomme უკეთებენ.
ორგანული და ნატურალური ღვინოების დაჭაშნიკება საფრანგეთში, ლუარას ხეობაში, ქალაქ ანჟერში ჩატარდება, Penitentes-ს სასტუმროში, რომელიც მე–15 საუკუნის ბოლოს ბენედიქტილი ბერების მიერ აშენდა.
La Dive Bouteille-ზე, ღვინის დეგუსტაციების გარდა, მეღვინეები ერთმანეთს ხვდებიან და ეცნობიან. ბოლო წლებში მათი რიცხვი სულ უფრო იზრდება, შეხვედრები კი სულ უფრო ემოციური და მრავალფეროვანი ხდება. წელს აქ შეიკრიბებიან საოჯახო მარნები, ახალგაზრდა მოტივირებული ადამიანები ამერიკიდან, აფრიკიდან და ევროპიდან.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი