Home
ქართული | English
დეკემბერი 2019
ორშსამოთხხუთპარშაბკვი
2526272829301
2345678
9101112131415
16171819202122
23242526272829
303112345

მულტიმედია

კომენტარები

VINITALY 2016 და ქართველი ნატურალისტი მეღვინეები

რამდენიმე დღის წინ იტალიაში დასრულდა ღვინის ერთ-ერთი ყველაზე პრესტიჟული საერთაშორისო გამოფენა VINITALY 2016.

იტალიის ქალაქ ვერონაში, VINITALY 2016 ღვინისა და სპირტიანი სასმელების 50-ე საერთაშორისო გამოფენაზე, 10-13 აპრილს, საფრანგეთის, ესპანეთის, პორტუგალიის, ავსტრალიის, არგენტინის, უნგრეთის, უკრაინის, რუმინეთის, საქართველოს, აზერბაიჯანის, შვეიცარიის, გაერთიანებული სამეფოს, სერბეთის, სლოვენიის, ხორვატიის და ჩინეთის საუკეთესო ღვინოები იყო წარმოდგენილი.

Vinitaly-ის საგამოფენო პავილიონებში, ექსკლუზიურ დეგუსტაციებთან ერთად იმართებოდა საინფორმაციო სესიები და კონფერენციები, სადაც გამოფენის მონაწილეებს ასევე საშუალება ჰქონდათ გაცნობოდნენ სიახლეებს ღვინის ბიზნესის სამყაროში. საქართველოდან გამოფენაზე წარდგენილი იყვნენ ნატურალური ღვინის მწარმოებლები: "იაგოს ღვინო", "ხოხბის ცრემლები", "ოქროღვინო", "რამაზ ნიკოლაძის მარანი".

ერთ-ერთი მნიშვნელოვანი მოვლენა გამოფენაზე იყო  Wine Without Walls, ღონისძიება,  რომელიც მიეძღვნა მთლიანად გოგირდის გარეშე ან ზედმეტი გოგირდის გარეშე დაყენებულ ღვინოებს.

Wine Without Walls კონკურსზე, მსოფლიოში ცნობილი ავტორიტეტული ღვინის მწერლის, ჟურნალისტის, ნატურალისტი მეღვინეების ნამდვილი ქომაგის ელის ფეირინგის ხელმძღვანელობით, ექსპერტი დეგუსტატორების, ჟურნალისტების და ღვინის მწერლებისგან შემდგარმა დიდმა ჯგუფმა შეაფასა ღვინოები და გამოავლინა გამარჯვებულები. 11 აპრილს კი VINITALY-ს დეგუსტაციაზე წარადგინეს Wine Without Walls კონკურსის შედეგად გამოვლენილი გამარჯვებული ღვინოები, მათ შორის ქართველი მეღვინეების მიერ ქვევრში დაყენებული ღვინოები:

"მწვანე - ხოხბის ცრემლები" 2014,  გაუფილტრავი, მშრალი, კახეთი;

"ცოლიკოური" 2013, თეთრი მშრალი, რამაზ ნიკოლაძის მარანი, იმერეთი;

"რქაწითელი" 2013, გაუფილტრავი, მშრალი, "ხოხბის ცრემლები", კახეთი;

"ჩინური" 2014, თეთრი, იაგოს ღვინო, ქართლი.

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული