გამოქვეყნებულია: 9 დეკემბერი, 2015 - 11:26
თელავის მარანმა მეორეჯერ ჩამოასხა ეს ღვინო (პირველი ვინტაჟი 2009 წლისა იყო). ღვინო სამი სრულიად განსხვავებული ხასიათის ჯიშიდანაა დაყენებული, თუმცა საერთო ის აქვთ, რომ სამივე ჯიში კონდოლშია მოყვანილი – კახური საფერავი, რაჭული ალექსანდროული და ფრანგული მერლო. ღვინოში უკვე დაძველების კვალი ჩანს, ძოწისფერია, წითელი ქლიავის, ღოღნაშოსა და სხვა მუქი ხილის არომატებით ხასითადება. გემოზე საკმაოდ მაღალმჟავიანია, ალკოჰოლიც საკმაოდ მაღალი აქვს (13,5%), თუმცა ღვინოს მაინც ელეგანტური და დახვეწილი ეთქმის.
© ღვინის კლუბი/vinoge.com
თემა:
ბეჭდვა
თქვენი კომენტარი