გამოქვეყნებულია: 10 ივნისი, 2013 - 00:07
ამერიკის შტატ ტეხასის ერთ-ერთმა მცხოვრებმა ალენ ბროდერიკმა წონაში დაკლების მცდელობისას ერთ უნიკალურ რეცეპტს მიაგნო – როგორ დავამზადოთ ალკოჰოლური ორთქლი. ბატონი ბროდერიკი დიდხანს ცდილობდა ჭარბი წონა მოეშორებინა, მაგრამ სპირტიან სასმელზე, რომელიც ძალიან ბევრ კალორიას შეიცავს, უარი ვერაფრით თქვა. ამასობაში მან ასეთ მეთოდს მიაკვლია – სპირტისაგან მშრალი ყინული დაამზადა, რომლის ორთქლიც ისეთივე მათრობელა აღმოჩნდა, როგორიც თავად სასმელი. სულ მალე ამ აღმოჩენის შესახებ ექიმებმაც გაიგეს და განგაში ატეხეს. “თქვენ ვერც კი წარმოიდგენთ, რა საშიშია ალკოჰოლის ამ გზით მიღება. სპირტი სისხლის გავლით ძალიან სწრაფად აღწევს ტვინსა და ფილტვებში, რასაც შეიძლება ძალიან ბევრი უარყოფითი შედეგი მოჰყვეს. ამ ახალგაზრდის მიგნება ჯანმრთელობისთვის უკიდურესად სახიფათოა. ის ნამდვილი შეშლილია!” - განაცხადა სან-დიეგოს კლინიკა Mission Valley-ის მთავარმა ექიმმა, ლოურენს პოლმა.
© ღვინის კლუბი/Weekend
ბეჭდვა
თქვენი კომენტარი