გამოქვეყნებულია: 28 ივნისი, 2012 - 01:41
ეს ღვინო შესაძლოა ყველაზე უცნაური და ეკზოტიკურიც კი იყოს ბოლო წლების მანძილზე წარმოებულ ყველა ქართულ ღვინოს შორის. დარწმუნებული ვარ, მხოლოდ ერთეულებს გექნებათ გასინჯული ჭაჭაზე და მესამედ კლერტზე ჭურში დადუღებული და 6 თვის მანძილზე ჭურშივე დავარგებული ცოლიკოური. ზოგიერთი იმერული ღვინის მოყვარული შეიძლება შოკშიც ჩააგდოს ამ ღვინომ, სხვები კი სასიამოვნოდ განაცვიფროს. ქარვისფერი ღვინოა, ჩირის ტონებით, სადაც ვაშლის და გარგრის ჩირს გამოვყოფდი, მოგვიანებით ფორთოხლის ცედრაც ჩნდება. ღვინო სასიამოვნო მჟავიანობით, ასევე ძლიერი ტანინებით გამოირჩევა და ხანგრძლივი დაბოლოების გარდა მის მთავარ ღირსებას სიახლის ეფექტიც წარმოადგენს.
© ღვინის კლუბი/vinoge.com
თემა:
ბეჭდვა
http://vinoge.com/patara-WiqebiT/TbilisSi-Rvino-underground-i-gaixsneba
თქვენი კომენტარი