თხის ყველისა და გამომცხვარი ჭარხლის სალათა

საჭირო მასალა: 1 საშუალო კონა სალათა, 2 პატარა ჭარხალი, 60 გ თხის ყველი, 4 ს.კ. ნუში. საწებელი - 1 მუჭა გაყინული ჟოლო, 1 ჩ.კ. ღვინის ძმარი, 3 ს.კ. ზეითუნის ზეთი, 1 კბილი ნიორი, მარილი, პილპილი.

მომზადება: ჭარხალი გავრეცხოთ, მოვაჭრათ “კუდი”, დავაწყოთ ფოლგაზე, დავაყაროთ მარილი, წიწაკა, მოვაპკუროთ ზეითუნის ზეთი, ფოლგაში გავახვიოთ და გამოვაცხოთ 200 გრადუსზე გახურებულ ღუმელში, დაახლოებით 1 საათის განმავლობაში. ნუში მოვხალოთ 10 წუთის განმავლობაში, დავმდუღროთ,  კანი გავაცალოთ და ბლენდერში დავაქუცმაცოთ. გამომცხვარ ჭარხალს კანი გავაცალოთ და დავჭრათ. ბლენდერში მოვათავსოთ ჟოლო, ძმარი, ზეითუნის ზეთი, დაჭყლეტილი ნიორი, მარილი, პილპილი და გავთქვიფოთ. თეფშზე დავაწყოთ ჭარხლის ნაჭრები. ხელით დახეული სალათის ფოთლები ავურიოთ საწებელში და ზემოდან მოვაწყოთ ჭარხალს. სალათის ფოთლებს დავაწყოთ ყველის პატარა ნაჭრები და მოვაყაროთ დაქუცმაცებული ნუში.

© ღვინის კლუბი/Weekend