Villa Maria Sauvignon Blanc, Private Bin 2007 (Marlborough, New Zealand)

ძალზე ხასიათიანი, ძლიერი ღვინოა, ტიპიური ახალზელანდიური სოვინიონ ბლანი. დამზადებულია ე.წ. ცივი ფერმენტაციით, კლერტის გაცლისა და გამოწურვის შემდეგ 6°C-ზე აყოვნებენ 24 საათის განმავლობაში, სანამ დუღილს დაიწყებს. დუღილი 12-14 გრადუსზე მიმდინარეობს. ღვინო მომწვანო-ჩალისფერია, ხასიათდება ძალზე ეფექტური სურნელებით: მანგო, გრეიპფრუტი, ნესვი, ანანასი, ლაიმი, მოცხარის ფოთლები, ეკზოტიკური მცენარეები. გამოირჩევა ხანგრძლივი ფინალით, სასიამოვნო მჟავიანობა კიდევ უფრო მეტ სიცოცხლეს მატებს ღვინოს.

ღვინო კარგია როგორც აპერიტივი, ასევე დამარილებულ საქონლის ხორცთან, კარტოფილთან შემწვარ ხბოს ხორცთან, მაგარ ყველებთან, შემწვარ და მოხარშულ ქათმის ხორცთან, ზღვის ნობათთან (ლობსტერი, ხამანწკები, მიდიები, კრევეტები და სხვ.), სუშისთან, ბოსტნეულის სალათებთან. ეს ახალზელანდიური სოვინიონ ბლანი დესერტადაც გამოდგება, ხილთან.

მალხაზ ხარბედია

© „მარანი“