ინდაურის მკერდი სატენით

საჭირო მასალა: 800 გ ინდაურის მკერდის ფილეს მთლიანი ნაჭერი, 1 კონა ოხრახუში, 1 ჩ.კ. ლიმონის ცედრა, 2 კბილი ნიორი, 120 გ ბეკონი, 1 ჩ.კ. პაპრიკა, მარილი, პილპილი – გემოვნებით, ზეთი ხორცის შესაზელად

მომზადება: ოხრახუში და ნიორი დავკეპოთ, ბეკონი წვრილად დავჭრათ და მოვათავსოთ თასში ლიმონის ცედრასთან, მარილთან და პილპილთან ერთად. ხის დაფაზე დავდოთ ფილე, ერთი მხრიდან ბასრი დანით ჩავჭრათ ისე, რომ მივიღოთ “ჯიბის” მსგავსი ჭრილი, ამოვავსოთ ბეკონისა და მწვანილის გულსართით, ღია ნაწილი შევკრათ ხის ჩხირებით, შევაზილოთ მარილი, პილპილი, ზეთი, მოვათავსოთ საცხობ ფორმაში და შევდგათ წინასწარ გახურებულ ღუმელში 200 გრადუს ტემპერატურაზე 30 წუთით. ცხობის დროს პერიოდულად წავუსვათ კარაქი. მომზადებული კერძი გამოვიღოთ ღუმლიდან, დავაფაროთ ფოლგა და ასე გავაჩეროთ 10 წუთი. სუფრასთან მივიტანოთ დაჭრილი.

© ღვინის კლუბი/Weekend