გამოქვეყნებულია: 18 ივნისი, 2017 - 23:26
ეს ღვინო სამი ჯიშის შერევითაა დაყენებული. რაჭული მწვანე (40%), წულუკიძის თეთრა (40%) და 20% ცოლიკოური. რაჭულ მწვანეს პირველად ვხედავთ ქართულ ბაზარზე და ეს ფაქტი სასიამოვნო სიახლედ უნდა ჩაითვალოს. ღვინო ხორგოშია (რაჭულად, საწნახელი) დადუღებული სრულ ჭაჭაზე, რაც ფერშიც კარგად აისახა. მოოქროსფრო–ქარვისფერია, ხალასი პირველი არომატებით, სადაც მცენარეული და მწიფე ხილის ტონები ერწყმის ერთმანეთს. გემოზე მაღალმჟავიანი და ხასიათიანია, სასიამოვნო ტანინებით, დაბოლოებაში მწიფე ატმის ტონებით. ღვინო სოფ. ძირაგეულში დაკრეფილი ყურძნიდანაა დაყენებული.
© ღვინის კლუბი/vinoge.com
თემა:
ბეჭდვა
თქვენი კომენტარი