ცოტა ხნის წინ დოქტორ თამაზ კობაიძის მიერ შედგენილი “მევენახეობა–მეღვინეობის ენციკლოპედიური ლექსიკონი” გამოიცა. ესაა უნივერსალური კრებული, სადაც 6500–მდე ლექსიკური ერთეულია შესული, რომელთა ნახევარსაც ტრადიციული, ქართული ტერმინები შეადგენს. ამ წიგნის დახმარებით იოლად გააცნობიერებთ ამათუიმ კონკრეტული ტერმინის არსს, გადაამოწმებთ ინფორმაციას, იპოვით ამომწურავ მასალას სხვადასხვა ცნების შესახებ.
წიგნი ათეულობით სხვადასხვა კვლევას თუ სალექსიკონო გამოცემას ეფუძნება (სულ 122 ნაშრომია გამოყენებული) და განკუთვნილია მევენახეობა–მეღვინეობის დარგის სპეციალისტებისთვის, მეცნიერებისთვის, პედაგოგობისთვის, სტუნდებისთვის და ფართო მკითხველისთვის.
წიგნის შეძენა “ბიბლუსისა” და “სანტა ესპერანსას” მაღაზიათა ქსელშია შესაძლებელი, ასევე ღვინის ეროვნულ სააგენტოში. დამატებითი ინფორმაციისთვის მიმართეთ ავტორს: 599 354 148.
ბეჭდვა
თქვენი კომენტარი