ოსპის წვნიანი პიტნით

საჭირო მასალა: 130 გ წითელი ოსპი, 1 ს.კ. ფქვილი, 50 მლ ზეთი, 1 ს.კ. კარაქი, 2 ს.კ. ტომატპასტა, 1,5 ლ წყალი, 1 ჩ.კ. მშრალი პიტნა, წიწაკა, მარილი, ლიმონის წვენი – გემოვნებით.

მომზადება: ოსპი გავრეცხოთ, დავასხათ წყალი და დავდგათ ცეცხლზე. ვხარშოთ დაახლოებით 30-40 წუთი. როდესაც ოსპი მოიხარშება, ცეცხლზე დავდგათ პატარა ქვაბი ზეთითა და კარაქით. როდესაც კარაქი ჩადნება, დავუმატოთ ფქვილი და 1 წუთი ვშუშოთ. ნარევი არაჟნის კონსისტენციის რომ გახდება, დავუმატოთ ტომატპასტა და განვაგრძოთ შუშვა. 2 წუთში დავუმატოთ წიწაკა და პიტნა და 2-3 წუთი ვშუშოთ. მოშუშული ინგრედიენტები დავუმატოთ მოხარშულ ოსპს, მოვაყაროთ მარილი და დავდგათ დაბალ ცეცხლზე. 3-5 წუთის დუღილის შემდეგ ქვაბი ცეცხლიდან გადმოვდგათ და დავაწუროთ ლიმონი.

© ღვინის კლუბი/Weekend