გამოქვეყნებულია: 14 დეკემბერი, 2017 - 13:13
გურჯაანის რაიონის სოფელ ბაკურციხეში, ჭორტაულის ზვარში დაკრეფილი ხიხვიდანაა ღვინო დაყენებული. 6 თვე ქვევრში ვარგდებოდა, ჭაჭაზე და კლერტზე. საკმაოდ ინტენსიური ქარვისფერია, მდიდრული პირველი არომატებით, სადაც ერთმანეთს ერწყმის მცენარეული და ხილის, ჩირისა და სანელებლების მოტკბო ტონები – ფუნთუშა, ვაშლის ჯემი, თათარა, ტკბილი კორკოტი, შავი მსხალი, ატმის ჩირი. ძლიერი ტანინები, ნარჩენი შაქრის სიტკბო, მჟავიანობა და წარმოუდგენლად მაღალი ალკოჰოლი (16,7%) დაგემოვნებისას უცნაურ და განსაკუთრებულ მთლიანობას ქმნის, რომელიც ხანგრძლივად გრძელდება.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი