Home
ქართული | English
თებერვალი 2020
ორშსამოთხხუთპარშაბკვი
272829303112
3456789
10111213141516
17181920212223
2425262728291

მულტიმედია

კომენტარები

ჩემი მარანი

წინანდალი, ვინოტერა, 2005

დაწურულია წინანდალის მიკროზონაში მოწეული ნარჩევი ყურძნიდან. ღია ჩალისფერი, ძალზე მდიდარი ღვინოა, სასიამოვნო ბუკეტითა და ძლიერი გემური ნიშნებით. სურნელში გამოირჩევა მცენარეული, ატმის, ეკზოტიკური ხილისა და მცირეოდენი მინერალური ტონები. საკმაოდ დაბალანსებული ღვინოა, მიუხედავად თავდაპირველი სიხისტისა გემოში, ღვინის დაბოლოება სირბილით ხასიათდება.

მუკუზანი, თელიანი ველი, 2004

ყვარელი, თელავის მარანი, 2004

ღვინო ყვარლის ზონაში გაშენებულ ვენახებში, სიმწიფის პიკზე დაკრეფილი საფერავის ჯიშის ყურძნიდან იწურება. კლერტის გაცლით წურავენ და შემდეგ მხოლოდ 2 დღის განმავლობაში ტოვებენ ჭაჭასთან შეხებაში (მაცერაცია). დუღილი კონტროლირებად ტემპერატურაზე მიმდინარეობს, რის შემდეგაც ძველდება ფრანგული მუხის კასრებში.

საფერავი, ბადაგონი, 2005

ძოწისფერი ღვინოა, გამჭვირვალე, ფერში სიძველის ნიშნებით. საკმაოდ სხეულიანია, გემოზე მწკლარტე. აშკარად იგრძნობა წითელი კენკრის ტონები, თუმცა სურნელებში საშუალო სიმწიფის მაყვალი ჭარბობს. პირველ გასინჯვაზე ახალგაზრდა ღვინის შთაბეჭდილებას ტოვებს, თავიდან სპირტუოზულობაც იგრძნობა, თუმცა, ღვინის ფერი საპირისპიროზე მეტყველებს.

ქისი, ვინოტერა, 2004

დაწურულია სოფელ მაღრაანში, ტყისპირებზე მოყვანილი ქისის ჯიშის ყურძნიდან კახური ტექნოლოგიით. ერთ-ერთი საუკეთესო კახური ტიპის ღვინოა, რომელიც კი გამისინჯია. მუქი ქარვისფერია, ნათელი სხივებით. ძალზე მდიდარი ბუკეტი აქვს, თვალახვეულს შესაძლოა წითელ ღვინოშიც აგერიოს.

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული