ხორციანი რაგუ ქოთანში

საჭირო მასალა: 1 კგ საქონლის ხორცი, 1-2 ს.კ. ძროხის ქონი ან კარაქი, 3 თავი ხახვი, 1 ცალი მოზრდილი ყაბაყი, 3 ცალი საშუალო ზომის კარტოფილი, 600 გ კანგაცლილი პამიდორი, 1 ჩ.კ. შაქარი, 2 ცალი დაფნის ფოთოლი, 1 კონა ნიახური, 1 კონა ოხრახუში, 1 კონა კამა, მარილი, წითელი წიწაკა – გემვნებით.

მომზადება: ხორცი დავჭრათ პატარა ნაჭრებად. საშუალო ზომის კუბებად დავჭრათ ყაბაყი და კარტოფილი. ზემოხსენებულ პროდუქტებს შევურიოთ მსხვილად დაჭრილი ხახვი, მწვანილი, სანელებლები და მსუბუქად დაჭყლეტილი პამიდორი.  ქოთანში ჩავდოთ ცხიმი, ზედ მოვათავსოთ არეული ინგრედიენტები, დავახუროთ სახურავი და შევდგათ საშუალოდ გახურებულ ღუმელში. ხანდახან ღუმელი გამოვხსნათ, თუ კერძმა წვენი დაიშრო, დავუმატოთ ცოტა წყალი. ვამზადოთ მანამ, სანამ ხორცი და კარტოფილი არ დარბილდება.

© ღვინის კლუბი/Weekend