ცხვრის ხორცი ტუნისურად

საჭირო მასალა: 1 კგ ცხვრის ხორცი, 1-2 თავი ხახვი, 4 კბილი ნიორი, 2 სმ ნედლი ჯანჯაფილის ნაჭერი, 1 კონა ისპანახი, 1 ჭიქა ბულგური, 1 ლ ქათმის ბულიონი, 2 ჩ.კ. ძირა, 1 ჩ.კ. ხმელი ქინძი, 1 ჩ.კ. ხმელი ბეგქონდარა, 3 ს.კ. ტომატპასტა, 1 ჭიქა ფქვილი, მარილი, წიწაკა – გემოვნებით.
მომზადება: პატარა ნაჭრებად დაჭრილი ხორცი და ფქვილი ცელოფანის პარკში მოვათავსოთ და კარგად შევანჯღრიოთ. ტაფაზე გავაცხელოთ ზეთი და დავაყაროთ ხორცი. ზედმეტი ფქვილი გადავყაროთ. 15 წუთის განმავლობაში ყველა მხრიდან შევწვათ. ამოვიღოთ ხორცი, ტაფაში ჩავუმატოთ ზეთი და მოვშუშოთ ალყა-ალყა დაჭრილი ხახვი, ნიორი, 2-3 კოვზი გახეხილი ჯანჯაფილი და დანაყილი სანელებლები. დავასხათ ბულიონის ნახევარი, დავუმატოთ ტომატპასტა და ხორცი. მოვაყაროთ მარილი და წიწაკა. ტაფას დავახუროთ სახურავი და დაბალ ცეცხლზე ვშუშოთ დაახლოებით 1 საათის განმავლობაში, სანამ ხორცი არ მომზადდება. შემდეგ დავასხათ დანარჩენი ბულიონი, მივიყვანოთ ადუღებამდე, დავაყაროთ ბულგური და მსხვილად დაჭრილი ისპანახი. ტაფას კვლავ დავახუროთ სახურავი და 15 წუთი დაბალ ცეცხლზე გავაჩეროთ.

© ღვინის კლუბი/Weekend