ცხვრის ფილე გორგონძოლას სოუსით

საჭირო მასალა: 300 გ ცხვრის ფილე, 0,5 ს.კ. კარაქი, 0,5  ს.კ. ზეთი, 1 ცალი პამიდორი, 80 გ ყველი გორგონძოლა, 50 მლ მარსალა ან მსგავსი ტიპის სხვა ღვინო, 1 ს.კ. დაჭრილი შაშკვლავი, მარილი, წიწაკა - გემოვნებით.

მომზადება: ხორცი დავჭრათ  და კარაქში შევწვათ. პამიდორი და ყველი წვრილად დავჭრათ. ხორცს მოვაყაროთ მარილი და წინასწარ შემთბარ ფაიფურის თეფშზე მოვათავსოთ, ზემოდან მეორე თეფში დავაფაროთ და ასე გავაჩეროთ. 3-4 წუთში თეფში ავხადოთ, დავასხათ ღვინო, დავუმატოთ პამიდორი, ყველი, შაშკვლავი, ამოვურიოთ და თავდახურული თბილად დავდგათ. შეგვიძლია, 1-2 წუთით ორთქლის აბაზანაზეც მოვათავსოთ. კერძს უშუალოდ სუფრაზე გატანის წინ მოვაყაროთ წიწაკა.

© ღვინის კლუბი/Weekend