ჩორიზო ხახვითა და წითელი ღვინით

საჭირო მასალა: 600 გ პატარა ზომის ძეხვი ჩორიზო, 250 გ წითელი ხახვი, 1 კბილი ნიორი, 1 ცალი დაფნის ფოთოლი, 2 ტოტი როზმარინი, 50 მლ მშრალი შერი, 200 მლ წითელი ღვინო, 200 მლ ბოსტნეულის ბულიონი, მარილი, პილპილი – გემოვნებით.

მომზადება: ჩორიზო ჩანგლით დავჩხვლიტოთ. ხახვი ნახევარწრეებად დავჭრათ. წვრილად დავჭრათ ნიორი. ქვაბში ჩავასხათ შერი, დავუმატოთ დაფნის ფოთოლი, ნიორი, როზმარინი და წამოვადუღოთ. დავასხათ წითელი ღვინო და ბოსტნეულის ბულიონი. კიდევ ერთხელ რომ წამოდუღდება, დავუმატოთ მარილი და პილპილი. ჩავუმატოთ ძეხვი და თავმოხდილი, საშუალო ტემპერატურაზე, 20 წუთი ვშუშოთ. გარნირად შეგვიძლია მოვამზადოთ კარტოფილის პიურე.

© ღვინის კლუბი/Weekend