სოკოს სუპი პამიდვრით

საჭირო მასალა: 2 ლ წყალი, 3 ცალი კარტოფილი, 1 მუჭა ვერმიშელი, 1 თავი ხახვი, 1 ცალი სტაფილო, 500 გ სოკო, 1 ს.კ. ტომატ-პასტა, 1 ჩ.კ. შაქარი, მარილი, პილპილი გემოვნებით, 1 კონა კამა და ოხრახუში, ზეთი შესაწვავად.

მომზადება: გაფცქვნილი და დაჭრილი კარტოფილი მოვათავსოთ წყალში და მოვხარშოთ. ცალკე ცხელ ტაფაზე დავასხათ ზეთი და შევწვათ დაჭრილი ხახვი, სტაფილო და სოკო. დავამატოთ ტომატ-პასტა, შაქარი, მარილი, პილპილი, 0.5 ჭიქა მდუღარე წყალი და 5-6 წუთი ვშუშოთ. როცა კარტოფილი სანახევროდ მოიხარშება, დავამატოთ ვერმიშელი, მოშუშული ბოსტნეული, დაჭრილი მწვანილი, ერთი წამოვადუღოთ, გამოვრთოთ ცეცხლი და 20 წუთი თავდახურული გავაჩეროთ. სუფრასთან სასურველია მივიტანოთ არაჟანთან ერთად.

© ღვინის კლუბი/Weekend