ქოქოსისა და ჩილის სუპი

საჭირო მასალა: 200 გ სტაფილო, 50 გ ნიახურის ძირი, 1 ცალი მანგო, 1 კონა მწვანე ხახვი, 400 გ ქათმის ფილე, 2 ს.კ. ზეთი, 1-2 ჩ.კ. ყვითელი კოჭა (კურკუმა), 500 მლ ბოსტნეულის ბულიონი, 1 ცალი წიწაკა ჩილი, 2-3 ღერი პიტნა, 400 მლ ქოქოსის რძე, 1 ლიმონის წვენი და ცედრა, მარილი – გემოვნებით.

მომზადება: სტაფილო და მანგო გავფცქვნათ. მანგოს ამოვაცალოთ კურკა. მწვანე ხახვი, სტაფილო, მანგო  და ნიახური წვრილად დავჭრათ. ქათმის ხორცი ცხელ ზეთში შევწვათ. მოვაყაროთ მარილი, ყვითელი კოჭა, სტაფილო, მწვანე ხახვი და ცოტა ხანი ვშუშოთ. დავასხათ ბულიონი. თავდახურული ვხარშოთ 6-8 წუთი. წიწაკა შუაზე გავჭრათ, ამოვაცალოთ თესლი და წვრილად დავჭრათ. დავკეპოთ პიტნა. ქოქოსის რძე პიტნასთან და მანგოსთან ერთად დავასხათ მოშუშულ ბოსტნეულსა და ხორცს. მოვაყაროთ მარილი და როცა ადუღდება, მოვასხათ ლიმონის წვენი.

© ღვინის კლუბი/Weekend