იაპონური ქათმის სუპი

საჭირო მასალა: 300 გ. ქათმის ხორცი, 1 ს.კ. ზეთი, 4 ღერი მწვანე ხახვი, 1 ცალი სტაფილო, 700 მლ. ქათმის ბულიონი, ნახევარი ლიმონის ცედრა, 2 ს.კ. დაფქული ნუში, 1 ს.კ. მოხალული ნუში, 1 ს.კ. სოიას სოუსი, 1 ს.კ. ლიმონის წვენი, მარილი, წიწაკა – გემოვნებით.

მომზადება: ქათმის ხორცს გადავაცალოთ კანი და დავჭრათ თხელ, მოგრძო ნაჭრებად. ღრმა ტაფაზე დავასხათ ზეთი, დავაყაროთ დაჭრილი მწვანე ხახვი და ვშუშოთ 2 წუთის განმავლობაში. შემდეგ დავამატოთ ქათმის ხორცი და მოვშუშოთ 4 წუთი. მოშუშულ ხორცს დავასხათ ბულიონი და წამოვადუღოთ. წვენს დავაყაროთ ლიმონის ცედრა, წვენი, სოიას სოუსი, დაფქული ნუში და ვხარშოთ 5 წუთი. როდესაც ხორცი მომზადდება, წვნიანი შევანელოთ მარილით, წიწაკით და ბოლოს ჩავყაროთ მოხალული ნუში.

© ღვინის კლუბი/Weekend