გამოქვეყნებულია: 3 ოქტომბერი, 2010 - 09:12
30 სექტემბერს, კლუბს Hadson&Hooker–ში, ღვინოების ტრადიციულ წარდგენაზე, სახელწოდებით – “ღვინის კლუბის არჩევანი“ კომპანია “შუხმანის“ მიერ სამი დასახლების ღვინო იყო წარმოდგენილი. 2008 წლის მოსავლის შარდონე, რომელიც დადუღებულია ევროპულად, ანუ ჭაჭის გარეშე, 2007 წლის მოსავლის წინანდალი და 2008 წლის მოსავლის საფერავი.
აღნიშნული ღვინოები კლუბში წარმოდგენილ საზოგადოებას, “ღვინის კლუბის“ სახელით, კლუბის წევრმა – რეჟისორმა ლევან კიტიამ საკმაოდ საინტერესოდ წარუდგინა. მან მოკლედ მიმოიხილა ღვინის დაყენების ევროპულ და ტრადიციულ წესებს შორის სხვაობა და ისიც აღნიშნა, რომ წარმოდგენილი 2008 წლის მოსავლის საფერავი, გასულ გაზაფხულზე, „ღვინის კლუბის“ დეგუსტაციაზე საუკეთესოდ დასახელდა.
აღსანიშნავია, რომ კლუბში შეკრებილი საზოგადოების უმეტესობას, ყველაზე მეტად, ღვინო შარდონე მოეწონა.
© ღვინის კლუბი/vinoge.com
ბეჭდვა
თქვენი კომენტარი