შოტლანდიური წვნიანი

საჭირო მასალა: 300 გ ცხვრის ხორცი, 1/3 ჭიქა ქერის ბურღული, 2 თავი ხახვი, 1 ცალი სტაფილო, 2-3 ცალი კარტოფილი, პამიდვრის წვენი – 150 მლ, 1 კონა მწვანე ხახვი, ზეთი  - შესაწვავად, მარილი, შავი პილპილი – გემოვნებით.

მომზადება: ცხვრის ხორცი გავრეცხოთ და 2-3 სმ-ის კუბებად, ხახვი კი წვრილად დავჭრათ. სქელძირიან ქვაბში გავაცხელოთ ზეთი და ხორცი მაღალ ცეცხლზე ყველა მხრიდან შევაწითლოთ. დავუმატოთ ხახვი და როდესაც ხახვი ჩარბილდება, დავასხათ პამიდვრის წვენი. ვშუშოთ 15 წუთის განმავლობაში. დავუმატოთ გარეცხილი ბურღული, დავასხათ 3-4 ჭიქა წყალი და დაბალ ცეცხლზე ვხარშოთ. სანამ ბურღული მოიხარშება, გავფცქვნათ სტაფილო და კარტოფილი და სურვილისამებრ დავჭრათ. როდესაც ქერის ბურღული მოიხარშება, წვნიანს ჩავუმატოთ დაჭრილი ბოსტნეული, მარილი და პილპილი. დავასხათ კიდევ 4-5 ჭიქა ცხელი წყალი. როდესაც ბოსტნეული მოიხარშება, წვნიანი მზადაა. სუფრასთან მიტანის წინ წვნიანში ჩავყაროთ დაჭრილი მწვანე ხახვი.

© ღვინის კლუბი/Weekend