ლიმონის ტარტი

საჭირო მასალა: 100 გ დარბილებული კარაქი, 100 გ შაქარი, 1 შეკვრა ვანილის შაქარი, 2 კვერცხი, 150 გ ფქვილი, 40 გ სახამებელი, 0,5 შეკვრა გამაფხვიერებელი ფხვნილი, 3-5 ს.კ. ლიმონის წვენი, 3 ს.კ. ლემონკარდი ან ლიმონის ჯემი, 75 გ შაქრის პუდრი, მწიკვი მარილი

მომზადება: 26 სმ დიამეტრის ფორმას წავუსვათ ცხიმი და მოვაყაროთ ფქვილი. კარაქი, შაქარი, ვანილის შაქარი და მარილი კარგად გავთქვიფოთ. დავუმატოთ კვერცხი, ფქვილი, სახამებელი, გამაფხვიერებელი ფხვნილი და 2-3 ს.კ. ლიმონის წვენი. შევურიოთ ლემონკარდი ან ლიმონის ჯემი. ცომი მოვათავსოთ ფორმაში და 25 წუთის განმავლობაში 175 გრადუსზე გახურებულ ღუმელში გამოვაცხოთ. შაქრის პუდრი და ლიმონის წვენი ავურიოთ, მოვამზადოთ თეთრი მინანქარი და მოვრთოთ ნამცხვარი.

© ღვინის კლუბი/Weekend