კომშის ვაჟინი

საჭირო მასალა: 1 კგ მწიფე კომში, 1 კგ შაქარი, 75 მლ ლიმონის წვენი.

მომზადება: კომშები გავრეცხოთ თბილ წყალში და დაზიანებული ადგილები ამოვაჭრათ. კომში ქერქიან გულიანად საშუალო ზომის ნაჭრებად დავჭრათ, დავასხათ ცივი წყალი, დავაყაროთ შაქარი და წამოვადუღოთ. როცა ადუღდება, ცეცლხს ჩავუწიოთ და 45 წუთის განმავლობაში დაბალ ტემპერატურაზე ვადუღოთ. კომში არ უნდა ჩაიხარშოს. ამის შემდეგ დავასხათ ლიმონის წვენი და 5 წუთი ვადუღოთ. კომში გადავწუროთ დოლბანდში ან წვრილ საცერზე, ქაფქაფა ვაჟინი გასტერილებულ ბოთლებში ან ქილებში ჩავასხათ და როდესაც შეგრილდება, მაცივარში შევაწყოთ. ასე მომზადებული შეგვიძლია შევინახოთ 3-4 თვის განმავლობაში.