ანანასის ქრიზანთემები

საჭირო მასალა: 500 გ ფენოვანი ცომი, 700-800 გ რგოლებად დაჭრილი, დაკონსერვებული ანანასი. 1 კვერცხი, ცოტა ფქვილი, 0,5 ჭიქა შაქრის პუდრა, დარიჩინი, კენკრა – მოსართავად. 

მომზადება: ანანასი ამოვიღოთ წვენიდან, შევაშროთ და ორივე მხრიდან შაქრის პუდრაში ამოვავლოთ. ცომი გავაბრტყელოთ ფქვილმოყრილ ზედაპირზე 0,3-0,4 სისქეზე და 1 სმ სიგანის ზოლებად დავჭრათ. ანანასის ნაჭრებს მოვაყაროთ დარიჩინი და თითოეულ მათგანს დავახვიოთ დაჭრილი ცომის ფენა. შუაში გავუკეთოთ ჩაღრმავება და შიგ მოვათავსოთ კენკრა. ანანასის ნაჭრები მოვათავსოთ ცხიმწასმულ ფორმაში, წავუსვათ გათქვეფილი კვერცხი და 25-30 წუთის განმავლობაში 200 გრადუსზე გახურებულ ღუმელში გამოვაცხოთ. შეგრილებულ ქრიზანთემებს მოვაყაროთ დარჩენილი შაქრის პუდრა.