სიმინდის პური წიწაკით

საჭირო მასალა: 275 გ სიმინდის წვრილად დაფქული ფქვილი, 75 გ პურის ფქვილი, 25 გ შაქარი, 1.5 ს.კ. გამაფხვიერებელი, 0.5 ჩ.კ. სოდა, 0.5 ჩ.კ. მარილი, 225 მლ კეფირი ან მაწონი, 115 მლ რძე, 2 კვერცხი, 50 გ კარაქი, 150 გ დაკონსერვებული სიმინდი, 1 წითელი ჩილი, 1 მწვანე ჩილი.

მომზადება: სიმინდის ფქვილი, პურის ფქვილი, სოდა, შაქარი, მარილი და გამაფხვიერებელი ავურიოთ. ცალკე ავურიოთ კვერცხი, კეფირი და კარაქი და შევურიოთ ფქვილიან მასას, დავუმატოთ სიმინდი და დაჭრილი, თესლებგამოცლილი წიწაკა. ფორმას წავუსვათ კარაქი, ზედ მოვათავსოთ ცომის მასა და გამოვაცხოთ 200 გრადუსზე გაცხელებულ ღუმელში 20-25 წუთის განმავლობაში. შეგრილების შემდეგ დავჭრათ ოთხკუთხედ ნაჭრებად.

© ღვინის კლუბი/Weekend