შიშბარაქი (არაბული პელმენი)

საჭირო მასალა: 800 გ ფქვილი, 1/4 ჩ.კ. მარილი, 0,5 ჩ.კ. მშრალი საფუარი, 4 ს.კ. ზეითუნის ზეთი, 2 ჭიქა წყალი,  1 თავი ხახვი, 2 ს.კ. კარაქი, 600 გ ცხვრის ხორცის ფარში, 1 ჩ.კ. ძირა, 1 ჩ.კ. ხმელი ქინძი, ტარხუნა, მარილი, ავზი და ბაჰარი – გემოვნებით, 1 ლ ნატურალური იოგურტი ან მაწონი, 1 ს.კ. სიმინდის სახამებელი, 1 კვერცხის ცილა, 2 ს.კ. დაკეპილი ნიორი, 4 ს.კ. დაკეპილი ქინძი.

მომზადება: ფქვილი, მარილი და საფუარი ავურიოთ, დავასხათ 2 ს.კ. ზეთი, 1 ჭიქა წყალი და მოვზილოთ ცომი,20-25 წუთით მოვათავსოთ თბილ ადგილას. ტაფაზე გავადნოთ კარაქი, დავაყაროთ  წვრილად დაჭრილი ხახვი, ხორცის ფარში, სანელებლები, ტარხუნა და მოვშუშოთ 10 წუთის განმავლობაში. ფქვილმოყრილ ზედაპირზე თხლად გავაბრტყელოთ ცომი, ამოვჭრათ პატარა წრეები, თითოეულზე მოვათავსოთ ფარში და შევკრათ. ღუმელი გავაცხელოთ 200 გრადუსამდე. ფორმას წავუსვათ დარჩენილი ზეთი, ზედ მოვათავსოთ მომზადებული ცომის ბურთულები და 10-12 წუთის განმავლობაში გამოვაცხოთ ღუმელში. ქვაბში ჩავასხათ იოგურტი ან მაწონი. 1 ჭიქა წყალში გავხსნათ სახამებელი და შევურიოთ მაწონს. ცალკე ავთქვიფოთ კვერცხის ცილა და დავამატოთ მაწონს, დავაყაროთ ქინძი, ნიორი და  მივიყვანოთ ადუღებამდე. გამომცხვარი ცომის ბურთულები გადავიტანოთ ქვაბში და ვხარშოთ დაბალ ცეცხლზე, სანამ არ მომზადდება.

© ღვინის კლუბი/Weekend