ხორცი მალაიზიურად

საჭირო მასალა: 600 გ ძროხის რბილი ხორცი, 2 ს.კ. კარის პასტა, 1 თავი ხახვი, 3-4 კბილი ნიორი, 2 ს.კ. მზესუმზირის ზეთი, 400 მლ ქოქოსის რძე, მარილი, წიწაკა – გემოვნებით. ბრინჯი – გარნირად.

მომზადება: ხახვი და ნიორი ხორცსაკეპ მანქანაში გავატაროთ ან დავაბლენდეროთ. ტაფაზე გავაცხელოთ ზეთი და დავუმატოთ ხახვისა და ნივრის პასტა. 1-2 წუთში ხახვთან ერთად ტაფაში მოვათავსოთ პატარა ნაჭრებად დაჭრილი ხორცი. ტემპერატურას დავუწიოთ და ხახვის მასაში არეული ხორცი კარგად მოვშუშოთ. დავუმატოთ ქოქოსის რძე, კარი, მარილი და წიწაკა. ქურაზე დავდოთ ცეცხლის გამანაწილებელი, ზედ დავდგათ თავდახურული ქვაბი და ძალიან დაბალ ცეცხლზე ვხარშოთ. როდესაც ხორცი ძალიან დარბილდება და წვენი შესქელდება, კერძი მზადაა. მივირთვათ ბრინჯთან ერთად.

© ღვინის კლუბი/Weekend