მაჭკატები სოკოს გულსართით

 მომზადება:

 

 

2 ს/კ ზეთი

2  კვერცხი

1/2 ს/კ მარილი

1/4 ლ მინერალური წყალი

125 გ  ფქვილი

 

 

1 პატარა ხახვი

2 ს/კ  ზეთი

250 გ  ქამა სოკო

1 ს/კ ფქვილი

100 მლ მშრალი თეთრი ღვინო

2 ს/კ  არაჟანი

მარილი, წიწაკა

 

 

ზეთი, მარილი, წყალი და კვერცხი კარგად გავთქვიფოთ, ნელ-ნელა შევურიოთ ფქვილი და 1 საათით დავდგათ მაცივარში. მანამდე მოვამზადოთ გულსართი - წვრილად დაჭრილი ხახვი მოვშუშოთ ცხიმში, დავუმატოთ ფქვილი, წვრილად დაჭრილი სოკო, თან ვურიოთ, დავასხათ ღვინო და 10 წუთის განმავლობაში ვშუშოთ დაბალ ცეცხლზე, შემდეგ კი შევურიოთ არაჟანი, მწარე წიწაკა და მარილი. ცომი გამოვიღოთ მაცივრიდან და ძალიან ცხელ ტაფაზე თხელი მაჭკატები გამოვაცხოთ. ერთ მხარეს რომ გამოცხვება, დანის დახმარებით გადავატრიალოთ და მეორე მხარეზეც შევწვათ. გამომცხვარ მაჭკატში ჩავდოთ მომზადებული გულსართი.