ვაშლისა ჟელე როზმარინით

საჭირო მასალა: 1 ცალი ლიმონი, 800 მლ ვაშლის წვენი, 500 გ გელირებული შაქარი, 3 ტოტი როზმარინი, ვანილი – გემოვნებით.

მომზადება: ქილებს მდუღარე წყალი გამოვავლოთ და დაპირქვავებული ხელსაწმენდზე გავაშროთ. ლიმონი გამოვწუროთ. ვაშლის წვენში ავურიოთ ვანილი, ლიმონის წვენი, როზმარინის მთლიანი ტოტები, გელირებული შაქარი და ქვაბში 5-7 წუთის განმავლობაში ვადუღოთ. შემდეგ გავსინჯოთ, აროს თუ არა შესქელებული. თუ თხელია, კიდევ 1-2 წუთი ვადუღოთ. მზა ჟელედან ამოვიღოთ როზმარინის ტოტები, ჟელეთი გავავსოთ ქილები, გავუკეთოთ ხრახნიანი საფარებლები და ამოტრიალებული დავდგათ, სანამ გაცივდება.

© ღვინის კლუბი /Weekend