ღვეზელი სამნაირი გულსართით

საჭირო მასალა: ცომისთვის - 250 მლ რძე, 100 გ კარაქი, 150 გ შაქარი, 4 ცალი კვერცხი, 1,5 ს.კ. მშრალი საფუარი, 0,5 ჩ.კ. მარილი, 700-800 ფქვილი. გულსართისთვის – 100 გ ნუში, 100 გ ნიგოზი, 100 გ ქიშმიში, 100 გ შაქარი, 2 ს.კ. კონიაკი, 6 ცალი მჟავე ვაშლი.

მომზადება: თბილ რძეში გავადნოთ შაქარი და კარაქი. ფქვილში ავურიოთ საფუარი. კვერცხი ავთქვიფოთ მარილთან ერთად. 2 კვერცხის გული მოვიტოვოთ. მშრალ ინგრედიენტებს დავუმატოთ რძიანი მასა და მოვზილოთ ნაზი ცომი, რომელიც ხელს არ მიეკრობა, დავდოთ ასაფუებლად. დათლილი ნიგოზი, ნუში, შაქარი, კონიაკი და ქიმიში ერთმანეთში ავურიოთ. ვაშლი გავფცქვნათ, ამოვაცალოთ თესლი და თხლად დავჭრათ. აფუებული ცომი 2-3-ჯერ ჩავზილოთ. ბოლოს დავყოთ 14 ბურთულად, გავაბრტყელოთ, თითოეულში მოვათავსოთ ნიგვზიანი გულსართი და წვრილი რულეტები გავაკეთოთ. რულეტები ოდნავ დავაბრტყელოთ, ზედ დავაწყოთ თხლად დაჭრილი ვაშლი და კიდევ გადავახვიოთ, ჩავაწყოთ ცხიმწასმულ, ფქვილმოყრილ ფორმაში, წავუსვათ გათქვეფილი კვერცხის გულები და ზემოდანაც ცოტა შაქარი მოვაყაროთ. დავაცადოთ 30 წუთი, რომ აფუვდეს, შემდეგ კი შევდგათ წინასწარ 180-200 გრადუსზე გახურებულ ღუმელში 35-40 წუთის განმავლობაში.

© ღვინის კლუბი/Weekend